یاشاسین مامالان
مامالان

 

مامالان 2

+ نوشته شده در  سه شنبه سوم اردیبهشت 1392ساعت 15:40  توسط بهنام نجفی | 
       مامالان   
+ نوشته شده در  شنبه یکم مهر 1391ساعت 10:14  توسط بهنام نجفی | 

 شعر طارمدان اثر دکتر قاسمی

گؤزل چیٌخدی بو سؤز منیم تاریمدان

سئویندیرن نیدا گلدی طاریمدان

سؤیله گینن داغ باشیندا قاریمدان

                                                          یادا گتیر توتلاریمدان،ساریمدان

                                                          طاریمدان دئ، طاریمدان دئ، طاریمدان

اوُشاغ چاغین،گئتمیشینی شعره چک

چوخ کندیمین،یئتمیشینی شعره چک

کئچمیشینی،ایتمیشینی شعره چک

                                                          یوردومداندی،کندیمدن،باغلاریمدان

                                                          طاریمدان دئ، طاریمدان دئ، طاریمدان

hybrid-rice2.jpg

باشیم خلخال،آیاغیم دا لوشاندیر

چولوم دولو اوزرلیکدیر،یووشاندیر

داغیم دولو کهلیگیله دووشاندیر

                                                          سویله گینن آلا گوز اوولاریمدان

                                                          طاریمدان دئ، طاریمدان دئ، طاریمدان

«آب بر» دئمه،دئ ماراللار بره سی

جنِّت کیمی «پیر همدان» دره سی

«قانلی چایین» پامادورو،تره سی

                                                          قوهونومدان،قارپیز-خیارلاریمدان

                                                          طاریمدان دئ، طاریمدان دئ، طاریمدان

«درّام» دئمه،قدمتی چینه اوخشار

«کللَج» دئمه،بین النهرینه اوخشار

قیٌِز-گلینه،گؤزل «پرچینه» اوخشار

                                                          سؤیله گینن صفالی داغلاریمدان

                                                          طاریمدان دئ، طاریمدان دئ، طاریمدان

 

«گیلوان» دئمه،دئ دوُدمانلی کندیم

«سیاورود» باشی دوُمانلی کندیم

«مامالان» دا صفالی،شانلی کندیم

                                                          سؤیله گینن تاق-تاق «داشلی»لاریمدان

                                                          طاریمدان دئ، طاریمدان دئ، طاریمدان

بلله گینن گؤزللری «سیرداندا»

اوُجا بویلو دلبرلری «نهراندا»

سئیره چیٌخان یارله «کوله سئیراندا»

                                                          سؤیله گینن حیالی قیزلاریمدان

                                                          طاریمدان دئ، طاریمدان دئ، طاریمدان

آباد اولسون «زهتر آباد» باغلاری

یاز اولاندا چیچکلنَر داغلاری

آتا دیلین دانماسین اؤشاقلاری

                                                          دئیـنه شیرین دیللی اوُشاغلاریمدان

                                                          طاریمدان دئ، طاریمدان دئ، طاریمدان

یئمله لی دیر «ماهانین» یئر آلماسی

نه شیریندیر «هزاررود»ون آلماسی

مزه لی دیر فندیقلارین چالماسی

                                                          سؤیله گینن «آلتینکوش»-ون ناریندان

                                                          طاریمدان دئ، طاریمدان دئ، طاریمدان

«چَوَرزق»-ین توُرشا-شیرین آلچاسی

«شنستان»-ین خوش ناخیشلی قالچاسی

آغاجلرین قارقالاری،سارچاسی

                                                          سـؤیله ییرلر هر نه واردی-واریمدان

                                                          طاریمدان دئ، طاریمدان دئ، طاریمدان

«سیاه پوش»-ون ایندی لبی خنداندی

«شیرین سو»-یون سوُیو شیرین چوُخداندی

«بهرام آباد»،باغین،لُـرلر بَیاندی

                                                                 کوردلردندی،لـُرلاردان،تاتلاریمدان

                                                          طاریمدان دئ، طاریمدان دئ، طاریمدان

«گیلانکشه»،بهشته بنزر کندیم

باغِ اِرم بنزری «اَنذر» کندیم

«سانسیز»یمدا داغی دولو زر کندیم

                                                                    سـؤیله گـینن گَزَکچی آتلاریمدان

                                                          طاریمدان دئ، طاریمدان دئ، طاریمدان

قیٌش گلنده داغلاریمی قار آلار

دوُمان چؤکر،یئر-گؤی بوتون قارالار

آیدینلیغا چیٌخیب،دئیَن قارالار

                                                          سؤیله گــــینن یای ایله باهاریمدان

                                                          طاریمدان دئ، طاریمدان دئ، طاریمدان

«لاله سر» ده داوار سورویله یاتار

«جوده کی» ده ماللار باش-باشا چاتار

«باکلور»دا تات لار شیرین بال ساتار

                                                          سؤیله گینن شیرین باللی آریمدان

                                                          طاریمدان دئ، طاریمدان دئ، طاریمدان

 

«کهیا» منیم چوخ آبیرلی ائلیمدی

«ایچ و اَرِشت» قوشا ساچیم،تئلیمدی

تاریخ بویو تورکون دیلی،دیلیمدی

                                                          سؤیله ایتگین دوشـــــن پاشالاریمدان

                                                          طاریمدان دئ، طاریمدان دئ، طاریمدان

گؤبگیمدی «قیطول» و «هندی زمی»

بَبَگیمدی «کوهکن» و «غلام چمی»

شعره گتیر یاشیل تئللی «پیرچمی»

                                                          بیرده سؤیله فیندیقلــی «پاسار»یمدان

                                                          طاریمدان دئ، طاریمدان دئ، طاریمدان

 

یایدا «تشویر» سودان تشویشه قالیر

«الزیندا» دا یلرپاقلار تئز سارالیر

آمما «تسگین» قیٌزیلزندن باج آلیر

                                                          سؤیله یای-قیٌش آخان او چایلاریمدان

                                                          طاریمدان دئ، طاریمدان دئ، طـــاریمدان

«بنارود» کی «امیر خسرو» کندی دی

«آستا کول» ده طاریمین دلبندی دی

«بندر گاه» دا طاریمین باش بندی دی

                                                          سؤیله گینن داغداکی شار-شاریمدان

                                                          طاریمدان دئ، طاریمدان دئ، طـاریمدان

شعره گتیر «چوُلومبه» و «چَریان»-ی

چؤلان قالیب یوخسوللوقدان هر یانی

ییٌخیلسا گر یوخسوللوغون یارغانی

                                                          اوندا بو سس چیٌخار بوٌلبولــلاریمدان

                                                          طاریمدان دئ، طاریمدان دئ، طاریمدان

«شاه مئیدانی»،«محمودخان»دین گؤزویدو

منم-منم دئمک اونون سؤزویدو

آمما دئیَن گونش دوشموش بوزویدو

                                                          سؤیلــــــه گینـــــن آواره خانلاریمدان

                                                          طاریمدان دئ، طاریمدان دئ، طاریمدان

«چَرَزه» دی سیدلرین مأواسی

ایستی اولار «صومعه برین» هاواسی

«نارستان» دی شاعیرلرین رویاسی

                                                          سؤیله گینن چمنلــــی «وِلوار»- یمدان

                                                          طاریمدان دئ، طاریمدان دئ، طاریمدان

 

« ونیسر» ده بیر ناخیرچی تاپیلمیر

« گوهر» ده ده ائوده چؤرک یاپیلمیر

بیر کس ایندی چوبان اولماق دا بیلمیر

                                                          سؤیــــــله گینن ســـــــورویله داواریمدان

                                                          طاریمدان دئ، طاریمدان دئ، طـاریمدان

آمما «وناب» عاشیق ممّد کندی دی

عنایت ده «قمه دشت»- ین قندی دی

«وزنه سر» ده عیسانین دلبندی دی

                                                          یاز منیم اول ایگیت بالالاریمدان

                                                          طاریمدان دئ، طاریمدان دئ، طاریمدان

دئ نولوبدو «قارقلی چم» قارپیزی؟

«کلِعیم»- ین انجیریله یارپیزی

«لهنه»، «زر» ده شاختاسی،قاری، بوُزی

                                                          اوشـــــــویورم قیٌشدا یاغان قاریمدان

                                                          طاریمدان دئ، طاریمدان دئ، طاریمدان

«هیندی کندی» چمی اوسته چم یوخدو

«پاوه  رود» دا هر نه واردی، کم یوخدو

هر یئرده کی قیٌزیلزن وار، غم یوخدو

                                                          سؤیله منیم قیٌزیـــــــلزن تک یاریمدان

                                                          طاریمدان دئ، طاریمدان دئ، طاریمدان

 

«دستجرده» ده اسرافیلی دوغان کند

چؤلو دولو ساریمساقلا سوغان کند

«کهریز»- ین چؤلو دولو چوغان کند

                                                          سؤیله گینن گؤزل «ده بهار» یمدان

                                                          طاریمدان دئ، طاریمدان دئ، طاریمدان

«چیزه» ، «بروج» گیرد کانین آوالی

«شامادشت» ده چوخ صفالی هاوالی

بوتون طاریم واردی اونا باوالی

                                                          سؤیله گینن آغاجـــــلاردا باریـــــــمدان

                                                          طاریمدان دئ، طاریمدان دئ، طاریمدان

«سرخه دیزج» بوغازیمدا سژزلریم

«سرخه مئشه» مئشه سینده یوزلریم

«قاضی بولاق» ، «مورستانـه» گؤزلریم

                                                          دیلـــه گلیب سؤیله هر نه واریمدان

                                                          طاریمدان دئ، طاریمدان دئ، طاریمدان

«زاچکان» دان عبید زاکانیم وار

«نیارک» ده اییده، گیردکانیم وار

هر یاندا کی گولوم وار، تیکانیم وار

                                                          ســـــؤیله گینن چیچکلی بهاریمـــــــدان

                                                          طاریمدان دئ، طاریمدان دئ، طاریمدان

من طاریمام، دونیا وارکن سؤزومدور

«یونس» اوغلوم منیم ایکی گؤزومدور

ماوی گؤیده پارلایان اوُلدوزومدور

                                                          شاعیـــــر اوغلوم، سؤیله گینن طاریـــــمدان

                                                          طاریمدان دئ، طاریمدان دئ، طاریــــــمدان

 

+ نوشته شده در  پنجشنبه سیزدهم مرداد 1390ساعت 10:51  توسط بهنام نجفی | 
 
صفحه نخست
پست الکترونیک
آرشیو وبلاگ
عناوین مطالب وبلاگ
درباره وبلاگ
آی یاشیله یاش طارم
ائلره ایچره باش طارم
سن خمسه نن گوزوسن
خمسه سنه قاش طارم

نوشته های پیشین
اردیبهشت 1392
مهر 1391
مرداد 1390
پیوندها
وب سايت شهرستان طارم
طارم نت
طارم فید
گیلوان پینگ پونگ
 

 RSS

POWERED BY
BLOGFA.COM